जनकपुरसँग १ रनले हार्यो लुम्बिनी
काठमाडौं । नेपाल प्रिमियर लिग (एनपीएल) मा जनकपुर बोल्ट्सले लुम्बिनी लायन्सलाई १ रनले पराजित गरेको छ ।
हर्श थाकरले कसिलो बलिङ गरेपछि लुम्बिनीले १ रनले खेल हारेको हो । अन्तिम १ बलमा २ रन चाहिएको अवस्थामा सन्दीप जोरा आउट भए । थाकरले अन्तिम बलमा सन्दिप जोरालाई आउट गरेपछि जनकपुरले रोमाञ्चक जित हात पारेको हो ।
जनकपुरले दिएको १३७ रनको लक्ष्य पछ्याएको लुम्बिनीले २० ओभरमा ८ विकेट गुमाएर १३५ रन मात्र बनाउन सक्यो । लुम्बिनीका लागि कप्तान रोहित पौडेलले सर्वाधिक ३५ रन बनाए । ३८ बलमा ३ चौका को सहयोगमा ३५ रन बनाएका रोहित आउट भए । टोम मोरिसले ३१ रन थपे । अर्जुन साउद २० रन बनाए ।
जनकपुरका हर्ष ठाकेरले ५ विकेट लिए। लिगमा जनकपुरको यो लगातार चौथो जित हो ।