चलचित्र ‘ऊनको स्वीटर’को गीत ‘मखमली’ (भिडियो)

काठमाडौँ । नेपाली चलचित्र ‘ऊनको स्वीटर’को नयाँ गीत ‘मखमली’ सार्वजनिक भएको छ ।

हिजो (बिहीबार) सार्वजनिक गीत ‘कौराहा/चुट्का’मा आधारित छ । सार्वजनिक ‘मखमली’ गीतले यस चलचित्रका अभिनेता विपिन कार्की र अभिनेत्री मिरुना मगरबीचको अव्यक्त प्रेमलाई व्यक्त गरेको छ । मगर समुदायमा प्रचलित कौराहा/चुड्का भर्सनको ‘मखमली’ मा सुजन चापागाईं र सुनिता थेगिमको स्वर रहेको छ । हर्क साउदले लेखेका शब्दमा सुजनले संगीत भरेका हुन् । भिडियोमा विपिन, मिरुनासँगै विल्सन विक्रम राईको अभिनय रहेको छ । यस गीतको भिडियोमा अभिनेता विल्सन विक्रम राईलाई रोचक भूमिकामा राखिएको छ ।

गण्डक क्षेत्रमा चर्चित मानिने यो भाका चलचित्रमा भने पूर्वी नेपालको पाँचथरको संस्कृतिमा मिसाइएको छ । यस चलचित्रको छायांकन पाँचथर र नेपाल-भारत सिमाना फालेलुङमा गरिएको छ ।

भिडियो