राष्ट्रपति पौडेलले सिंहदरवार परिसरभित्र निर्माणाधीन संसद् भवनको अवलोकन गरे
काठमाडौँ । राष्ट्रपति रामचन्द्र पौडेलले सिंहदरवार परिसरभित्र निर्माणाधीन संसद् भवनको अवलोकन गरेका छन् ।
सोमबार दिउँसो राष्ट्रपति पौडेलसँगै सभामुख देवराज घिमिरे, राष्ट्रिय सभाका अध्यक्ष नारायण दाहाललगायत पनि निर्माणाधीन संसद् भवन अवलोकन गर्न पुगेका थिए । राष्ट्रपति पौडेललाई अवलोकनका क्रममा सहरी विकास मन्त्रालयका सचिव गोपाल सिग्देलले भवन निर्माणमा भइरहेको प्रगतिबारे जानकारी गराएका थिए ।
सो क्रममा पौडेलले भवनसम्बन्धी विभिन्न जिज्ञासा राख्दै सम्बद्ध पक्षलाई यथाशक्य चाँडो सक्न निर्देशन दिएका छन् ।