अछाममा छाउगोठमा सुतेका दुई जनाको ढुंगाले किचेर मृत्यु

धनगढी । अछाममा छाउगोठमा सुतेका दुई जनाको ढुंगाले किचेर मृत्यु भएको छ । 

अछामको पञ्चदेवल विनायक नगरपालिका–८, सेलापानीस्थित चुरखोली टोलकी ३५ वर्षीया निम खनाल र मंगलसेन नगरपालिका–६ का गोरे भण्डारीकी सात वर्षीया छोरी कविताको छाउगोठमा सुतेका बेला ढुंगाले किचेर मृत्यु भएको हो ।

घाइते भएकी कविताकी आमालाई उपचारका निम्ति स्थानीय स्वास्थ्यचौकीमा पठाइएको प्रहरीले जानकारी दिएको छ ।