बहराइनको कमजोर ब्याटिंग, ११६ रनमा अलआउट

काठमाडौँ । एसीसी प्रिमियर कप अन्तर्गत बहराइन ११६ रनमा अल आउट भएको छ ।

मुलपानी क्रिकेट मैदानमा युएईविरुद्ध टस जितेर पहिला ब्याटिंग गरेको बहराइन ४०.५ ओभरमा अलआउट हुदै ११६ रन मात्र बनाएको छ । सेमिफाइनलमा छनौट हुन युएईविरुद्ध जित्नै पर्ने खेलमा बहराइनले कमजोर ब्याटिंग गरेको छ ।

बहराइनका लागि कप्तान हैदर बट र अलि दाउदले सर्बाधिक २३-२३ रन बनाए भने मुहमद योउनिसले १६, इमरान अनवरले १४, वासीक अहमदले १२ र अब्दुल मजिदले ११ रन बनाएका थिए ।

त्यस्तै युएईका बलर अयान अफजल खानले सर्बाधिक ४ विकेट लिए भने रोहन मुस्तफा र कार्थिक मैयप्पनले २-२ विकेट लिएका थिए ।

त्यस्तै जाहूर खानले एक विकेट लिए ।

अब ११७ रनको लक्ष्य पाएको युएईले केहि बेरमा जवाफी ब्याटिंग गर्ने छ ।

जारी एसीसी प्रिमियर कपमा समुह बि मा रहेको युएईको अहिलेसम्म ३ खेलमा ४ अंक रहेको छ भने बहराइनको ३ खेलमा ३ अंक रहेको छ । यो खेलको विजेताले सेमिफाइनलमा स्थान बनाउने छ ।

सेयर गर्नुहोस्

Leave a Reply

Your email address will not be published. Required fields are marked *