शान्ति सुरक्षा सम्बन्धि आवश्यक समसामयिक विषयमा अन्तरक्रिया

भक्तपुर । सुर्यविनायक नगरपालिका वडा नं ३ मा रहेको तुवाचोटार टोलसुधार समितिको आयोजनामा बालकोट प्रहरी कार्यालयका वरिष्ठ ना नि रत्न व थापाको उपस्थितिमा परिचयात्मक तथा शान्ति सुरक्षा सम्बन्धि आवश्यक सम सामयिक विषयमा अन्तरक्रिया कार्यक्रम सम्पन्न गरीयो । उक्त कार्यक्रममा टोल सुधार समितिका अध्यक्ष ज्ञानकृष्ण श्रेष्ठले प्रहरी र जनता विच एक आपसमा समन्वय हुनु पर्दछ भन्ने धारणा व्यक्त गरे ।
त्यसै गरि प्र ना नि रत्न वहादुर थापाले पनि जनतावाट आवश्यक सुझाव एवं राय सल्लाह दिनु जरुर छ र प्रहरी प्रशासनलाई शान्ति सुरक्षा कायम गर्न सहज हुने कुराहरुको धारणा व्यक्त गरे । हाम्रा सम्वाददाता विश्वनाथ ढुङगेलका अनुसार आजको कार्यक्रम टोलसुधार समितिका अध्यक्ष ज्ञानकृष्ण श्रेष्ठको अध्यक्षतामा सम्पन्न भएको थियो । सो कार्यक्रममा तुवाचोटार टोलसुधार समितिका पदाधिकारीहरुको पनि उपस्थिती रहेको थियो ।