रवि लामिछानेको मुद्दा हेर्न नमिल्नेमा, न्यायाधीश सिन्हाको इजलासमा पहिल्यै परेको थियो मुद्दा
काठमाडौँ । राष्ट्रिय स्वतन्त्र पार्टीका सभापति रवि लामिछानेविरुद्धको मुद्दा हेर्न नमिल्ने भएको छ । न्यायाधीश अनिलकुमार सिन्हाको इजलासमा पेसी तोकिएको उक्त मुद्दा हेर्न नमिल्ने भएको हो ।
लामिछानेविरुद्धको मुद्दा यसअघि पनि सिन्हाले हेरेकाले यो मुद्दा हेर्न नमिल्ने भएको बताइएको छ ।अधिवक्ता युवराज पौडेल सफलले लामिछानेलाई महान्यायाधिवक्ताको कार्यालयले दोहोरो राहदानी प्रकरणमा मुद्दा चलाउन नपर्ने निर्णय गरेकोमा खारेजको माग गर्दै सर्वोच्च अदालतमा रिट निवेदन हालेका थिए ।
सोमबार दर्ता भएको रिट मंगलबारका लागि पेसी सूचीमा चढाइएको थियो ।