कृष्ण जन्माष्टमी : देशका विभिन्न मन्दिरमा आराधना गरि कृष्ण जन्माष्टमी मनाइँदै

काठमाडौं । आज कृष्ण जन्माष्टमी । ललितपुरको पाटनस्थित कृष्ण मन्दिरसहित देशका विभिन्न स्थानमा रहेका मन्दिरमा कृष्णको पूजा आराधना गरि कृष्ण जन्माष्टमी मनाइँदैछ ।

त्यसैले आज बिहानैदेखि देशभरका कृष्ण मन्दिरहरुमा भक्तजनको घुइँचो लागेको छ । हिन्दू धर्मका अनुसार द्वापर युगमा भाद्र कृष्णअष्टमीलाई कृष्ण जन्माष्टमी पर्वका रूपमा मानिन्छ । भाद्र कृष्ण अष्टमीकै दिन भगवान् श्रीकृष्णको जन्म भएको विश्वासमा कृष्ण जन्माष्टमी पर्व मनाउने चलन छ ।