आईसीसी महिला टी- २० एसिया छनोट : नेपाली महिला क्रिकेट टिम स्वदेश फिर्ता
काठमाडौं । आईसीसी महिला टी- २० विश्वकप एसिया क्षेत्र छनोट खेलेर नेपाली महिला क्रिकेट टिम आज स्वदेश फर्किएको छ ।
मलेसियामा आयोजित एसिया क्षेत्र छनोटको सेमिफाइनलमा पराजित भएको नेपाली टिम आज बिहान नेपाल फर्किएको हो । मलेसियामा चार देशीय सिरिज जितेको नेपालले समूह चरणका सबै खेल जितेको थियो । समूहकै युएईसँगको खेल भने वर्षाले रद्द भएको थियो । समूह ‘ए’ मा उपविजेता बन्दै सेमिफाइनल पुगेको नेपालले थाइल्यान्डसँग ४६ रनको हार बेहारेको थियो।
महत्वपूर्ण खेलमा नेपाली टिमको ब्याटिङ फेरि पनि चल्न नसकेको मुख्य प्रशिक्षक सामसङजंग थापाले बताए । महत्वपूर्ण प्रतियोगितामा अनुभव नभएका खेलाडी खेलाउँदा अपेक्षित खेल प्रस्तुत गर्न नसकेको कप्तान रुबिना क्षेत्रीले बताइन् । मलेसिया भ्रमणमा नेपाली टिमका लागि चार खेलाडीले डेब्यु गरेका थिए ।