पञ्चकन्या ग्रुपको ५१औं वार्षिकोत्सवमा निःशुल्क स्वास्थ्य शिविर

काठमाडौं। पञ्चकन्या ग्रुपले आफ्नो ५१औं वार्षिकोत्सवका अवसरमा शुक्रबार निःशुल्क स्वास्थ्य शिविर सञ्चालन गरेको छ। पञ्चकन्या ग्रुपले काठमाडौं मेडिकल कलेजको प्राविधिक सहयोगमा निःशुल्क स्वास्थ्य शिविर गरेको हो।

शिविरमा नाक, कान, घाँटी, आँखा, हाडजोर्नी तथा नशा, दाँत लगायतको सामान्य जाँच गराइएको थियो। स्त्री रोग र मुटु रोग पनि परीक्षण गरिएको थियो। शिविरमा २९४ जनाले जाँच गराएको पञ्चकन्या ग्रुपले जनाएको छ।