एथ्लेटिक्सका दीपक र राजपुरा पल्सर वर्षको उत्कृष्ट खेलाडी

काठमाण्डौं । नेपाल खेलकुद पत्रकार मञ्चले प्रदान गर्ने पल्सर स्पोर्ट्स अवार्डमा एथ्लेटिक्सले शीर्ष तीन विधामा अवार्ड जितेको छ। वर्षको उत्कृष्ट महिला, पुरुष र प्रशिक्षकको गरी तीन अवार्ड एथ्लेटिक्सले पाएको छ। आइतबार प्रदान गरिएको अवार्डमा वर्ष पुरुष, महिला, युवा, प्रशिक्षक र पिपल्स च्वाइस गरी पाँच विजेताले बजाज पल्सर मोटरसाइकल पाएका छन्। तीमध्ये दुई वटा एन २५० र तीन वटा एन १६० मोटरसाइकल रहेको छ। अन्य विधाका विजेतालाई जनही ५० हजार रुपैयाँ र गिफ्ट ह्याम्पर प्रदान गरिएको छ।
यी हुन् अवार्ड विजेता
उत्कृष्ट खेलाडी पुरुष – दीपक अधिकारी, एथ्लेटिक्स
उत्कृष्ट खेलाडी महिला – राजपुरा पछाई, एथ्लेटिक्स
उत्कृष्ट प्रशिक्षक – चन्द्र गुरुङ, एथ्लेटिक्स
उत्कृष्ट युवा खेलाडी – देव खनाल, क्रिकेट
लाइफटाइम एचिभमेन्ट अवार्ड राजेन्द्रकुमार प्रधान, भारोत्तोलन
पिपल्स च्वाइस अवार्ड सिक्का सुवाल श्रेष्ठ, टेबलटेनिस
स्पेशल अवार्ड – सुदर्शन रञ्जित, खेल अभियान्ता
पारा एथलिट सम्मान मैयाँ विशुंखे, ओलम्पियन
एसियन स्पोर्टस जर्नालिस्ट अवार्ड , रेमण्ड चुलाई – हङकङ