मनमैजुमा मृत भेटिए ट्राफिक प्रहरी कार्यालय दरबारमार्गमा कार्यरत प्रहरी जवान
काठमाडौंको मनमैजुमा प्रहरी जवान मृत भेटिएका छन्। शुक्रबार साँझ तारकेश्वर नगरपालिका ९ मनमैजुस्थित हरियोचौरमा प्रहरी जवान युवराज घिमिरे मृत भेटिएका हुन्। काठमाडौं प्रहरी परिसरका प्रमुख बसन्त रजौरेका अनुसार घिमिरे निर्माणाधीन दुई तले घरको भुइँतलामा मृत भेटिएका हुन्।
मृत भेटिएका घिमिरे ट्राफिक प्रहरी कार्यालय दरबारमार्गमा कार्यरत थिए। उनको शरीरमा चोटपटक र शंकास्पद रहेको पनि एसएसपी रजौरेले जानकारी दिए। घटनास्थलमा तालिमप्राप्त कुकुर परिचालन गरिएको थियो। ‘शंकास्पद जस्तो देखिएको छ। अहल्यै केही खुलेको छैन। अनुसन्धानमै छौं,’ एसएसपी रजौरेले भने।