प्रधानमन्त्री ओली द्वारा कृष्ण जन्माष्टमी र गौरा पर्वको शुभकामना व्यक्त

काठमाडौँ । प्रधानमन्त्री केपी शर्मा ओलीले कृष्ण जन्माष्टमी र गौरा पर्वको शुभकामना व्यक्त गरेका छन् ।

आज सोमबार बिहान सामाजिक सञ्जाल फेसबुक मार्फत शुभकामना व्यक्त गरेका हुन् । साथै उनले दिउँसो टुँडिखेलमा गौरा पर्वको कार्यक्रममा सहभागी हुने समेत जानकारी गराएका छन् ।

वैदिक सनातन हिन्दु धर्मावलम्बीले ‘श्रीकृष्ण जन्माष्टमी’ पर्व आज देशभर भगवान् श्रीकृष्णको पूजा–आराधना गरी श्रद्धा–भक्तिपूर्वक मनाउँदै छन् । यस्तै गौरा पर्वका अवसरमा आज राजधानीको टुँडिखेलमा कार्यक्रम आयोजना गरिएको छ ।

उनले सामाजिक सञ्जालमा लेखेका छन् ।

आज कृष्ण जन्माष्टमी, अनि सुदूरपश्चिममा मनाइने गौरा पर्व। भाद्र कृष्णपक्षको अष्टमी तिथिको रात आमा देवकीबाट श्रीकृष्णको जन्म जेलमा भएको शास्त्रमा उल्लेख छ। प्राचीन मानव सभ्यतामा पशुपालन युगको थालनी श्रीकृष्णले गरेको मानिन्छ। प्रेम र सौन्दर्यका प्रतीक श्रीकृष्णमा नमन ! सबैलाई कृष्ण जन्माष्टमी र गौरा पर्वको शुभकामना।

आज दिउँसो टुँडिखेलमा गौरा पर्वको कार्यक्रममा सहभागी हुने छु ।