बलात्कार आरोपमा तीनजना पक्राउ

काठमाडौं । रुपन्देहीमा बलात्कार आरोपमा प्रहरीले तीनजनालाई पक्राउ गरेको छ । पक्राउ पर्नेमा कोटहीमाई गाउँपालिका–५ का २७ वर्षीय मुकेश चौधरी, कोटहीमाई–६ का ३२ वर्षीय मनोहर चौधरी र कोटहीमाई–३ का ३५ वर्षीय शैलेशकुमार पाण्डे छन् । १९ वर्षीया किशोरीको बलात्कार गरेको उनीहरूमाथि आरोप छ ।

गएको शनिबार दिउँसो उनीहरूलाई पक्राउ गरिएको प्रहरी प्रधान कार्यालयले जानकारी गराएको छ । यही भदौ ५ गते ती किशोरीको बलात्कार गरिएको भन्ने उजुरीपछि प्रहरी टोली खटिएको थियो । घटनाबारे थप अनुसन्धान गरिरहेको प्रहरीले जनाएको छ ।