लौहपुरुष गणेशमान सिंहको ११० औं जन्म जयन्तीको अवसरमा माल्यार्पण

भक्तपुर । नेपालको लोकतान्त्रिक आन्दोलनका अथक योद्धा, सर्वोच्च नेता एवं लौहपुरुष गणेशमान सिंहको ११० औं जन्म जयन्तीको अवसरमा नेपाली कांग्रेस जिल्ला कार्यसमिति भक्तपुरले गणेशमान सिंह स्मृति वाटिका तथा प्रतिमा संरक्षण समितिको संयोजनमा नेता सिंहको सालिकमा एक भव्य कार्यक्रमकाबीच माल्यार्पण गरि स्मरण गरिएको थियो ।

जिल्ला सभापति एवम् माननीय दुर्लभ थापाको सभापतित्वमा भएको कार्यक्रममा प्रमुख अतिथि एवम् १०० दिने विशेष अभियानका लागि भक्तपुरका केन्द्रीय प्रतिनिधि, नेता बलबहादुर के.सी र केन्द्रीय सदस्य मदनकृष्ण श्रेष्ठ, गंगा लक्ष्मी अवाल, गणेशमान सिंह स्मृति वाटिका सभापति एवम् नेता माथवर सिंह बस्नेत, बागमती प्रदेश सदस्य, महासमिति सदस्य, जिल्ला कार्य समितिका पदाधिकारी, सदस्य तथा तहगत कार्य समितिका साथीहरू तथा वाटिका संरक्षण समितिका साथीहरू सहभागी थिए।

राष्ट्रिय राजनीतिका शिखर पुरुष एवं अन्तर्राष्ट्रिय राजनीतिक क्षेत्रमा समेत प्रभावशाली नेताका रूपमा परिचित, त्याग र निष्ठाका धनी, नेपाली काँग्रेस पार्टीका अमूल्य निधि एवं धरोहर स्व. गणेशमान सिंहको लामो कठिन र सङ्घर्षशील राजनीतिक जीवनका विविध पक्ष तथा उहाँले मुलुकका लागि पुर्याउनु भएको योगदानलाई स्मरण र अनुकरण गर्दै नेपाली कांग्रेस जिल्ला कार्यसमिति भक्तपुर श्रद्धेय नेता सिंह प्रति हार्दिक श्रद्धा सुमन अर्पण गरेको थियो ।