एनपीएलको फ्रेन्चाईज टोली सुदूरपश्चिम रोयल्सले गर्यो धनगढीमा भव्य र्याली
काठमाडौँ । नेपाल प्रिमियर लिग (एनपीएल) क्रिकेटको फ्रेन्चाईज टोली सुदूरपश्चिम रोयल्सले धनगढीमा आज भव्य र्याली गरेको छ ।
सुदूरपश्चिम रोयल्सले धनगढीको चौराहदेखि रङ्गशालासम्म आयोजना गरेको र्यालीमा उल्लेख्य संख्यामा समर्थकको सहभागिता रहेको थियो । र्यालीमा टोलीका मुख्य प्रशिक्षक जगत टमाटा, मार्की खेलाडी दीपेन्द्रसिंह ऐरी, आरिफ शेख, विनोद भण्डारी, ईशान पाण्डे, अमित श्रेष्ठ लगायत खेलाडी सहभागी भएका थिए ।
र्यालीमा स्थानीय संस्कृति र भेषभूषा झल्कने झाँकीको पनि देखाइएको थियो । टोलीले समग्र सुदूरपश्चिम क्षेत्रको प्रतिनिधित्व गरेकाले यहाँको स्थानीय संस्कृतिलाई क्रिकेटको माध्यमबाट विश्वभर चिनाउने लक्ष्य रहेको सुदूरपश्चिम रोयल्सका प्रमुख कार्यकारी अधिकृत प्रकाश खड्काले बताए ।
नेपाल क्रिकेट सङ्घ (क्यान) को आयोजनामा पहिलो संस्करणको एनपीएल यही मंसिर १५ गतेदेखि पुस ६ गतेसम्म आयोजना हुँदैछ ।