सिड्नीमा सत्य–स्वरूपको सांगीतिक साँझ हुने

युवापुस्ताका चर्चित गायक सत्यराज आचार्य र स्वरूपराज आचार्य एकसाथ सिड्नीमा गुन्जने भएका छन् । नेपाली सुगम गीत–संगीत क्षेत्रमा पारंगत मानिने यी दुई गायक ६ डिसेम्बरमा सिड्नीको ग्रयानभिलमा रहेको टाउन हलमा विभिन्न प्रस्तुतिहरू दिने भएका हुन् । सिड्नीको कार्यक्रम आयोजक फ्लेभर्स अफ नेपालका राजेश केसीले ‘द सत्य स्वरूप शो’को तयारी पुरा भएको जानकारी दिए । फिन कनेक्स फाईनानसियलको साथमा सिड्नीमा हुने शो पछि यो कार्यक्रम डिसेम्बर ९ मा न्यू क्यासल, डिसेम्बर १५ क्यानभेरा र डिसेमबर १६ तारेखका दिन उलंगनमा आयोजना हुनेछ । द सत्य स्वरूप शो कार्यक्रमको अष्ट्रेलिया टुरको म्यानेज्मेन्ट द स्तुपा टेस्ट अफ नेपाल उलंगनले गरेको हो । भिषा पार्टनरमा होराईजन ऐसोसियटस प्राईभेट लिमिटेड र ट्राभल पार्टनरमा एभरेष्ट ट्राभल प्राईभेट लिमिटेड रहेको छ । अष्ट्रेलियामा रहनु हुने नेपाली गीत संगीतप्रेमीहरु मांझ प्रस्तुत हुन हामी हतारिएका छौ’, गायक सत्यराजले भने, ‘हामीलाई विश्वास छ कि उहाँहरूको सांगीतिक प्यास मेटाउन हामी जोड तोडका साथ लाग्नेछौँ ।