भविष्य साकोसको १५ औं स्थापना दिवस, तीनदिनसम्म विभिन्न कार्यक्रमको आयोजना

भक्तपुर । भविष्य बचत तथा ऋण सहकारी संस्था लिको १५ औं स्थापना दिवस तीन दिन सम्म विभिन्न कार्यक्रम आयोजना गरि मनाईएको थियो । कार्यक्रमको पहिलो दिन २०८१ मङ्सिर २२ गते शनिबार सु.न.पा. ३, पानीट्याङ्कीस्थित भिजन बैंक्वेटमा एक समारोहको आयोजना गरि संस्थाको आ.व. २०८०।०८१का जेष्ठ शेयर सदस्यहरूलाई सम्मानीत गर्नुका साथै शेयर सदस्यहरूलाई एक दिवसिय आधारभूत सहकारी शिक्षा कार्यक्रम सञ्चालन गरिएको थियो।संस्थाका उपाध्यक्ष सरस्वती घिमिरेको स्वागत भाषणबाट शुरूभई संस्थाका अध्यक्ष तेजबहादुर च्वामु श्रेष्ठको सभापतित्वमा सम्पन्न उक्त कार्यक्रमका प्रमुख अतिथि सु.न.पा. ३ का वरिष्ठ वडासदस्य घनश्याम भट्टराईले पानसमा दीप प्रज्वलन गरि कार्यक्रम समुद्घाटन गर्नुका साथै जेष्ठ शेयर सदस्हरूद्वय महिला तर्फका जेष्ठ शेयर सदस्य नानीमायाँ च्वामु श्रेष्ठ र पुरूष तर्फका जेष्ठ शेयर सदस्य ज्ञानलाल श्रेष्ठलाई सम्मानपत्रका साथ दोसल्ला ओढाई सम्मान गर्नु भएको थियो।

संस्थाका व्यवस्थापक लक्ष्मीपुष्पा भट्टराईले सञ्चालन गर्नुभएको सो कार्यक्रममा संस्थाका सल्लाहकार राजकुमार कार्की एवं प्रमुख अतिथि घनश्याम भट्टराईबाट शुभकामना मन्तव्य राख्नु भएको थियो भने संस्थाका अध्यक्षबाट प्रशिक्षणका बिषय वस्तुमाथि प्रकाश पार्नु भएको थियो। यस्तै प्रशिक्षणका सहजकर्ता केन्द्रीय बचत तथा ऋण सहकारी संघका कार्यक्रम अधिकृत सोविता मैनालीले प्रशिक्षणको महत्वबारे जानकारी गराउनु भएको थियो। उक्त प्रशिक्षण कार्यक्रममा जम्मा ७० जना प्रशिक्षार्थिहरूको सहभागिता रहेको थियो।

कार्यक्रमको दोश्रो दिन २०८१ मङ्सिर २३ गते संस्थाका अध्यक्ष तेज बहादुर च्वामु श्रेष्ठको संयोजकत्वमा संस्थाका सञ्चालक समिति, लेखासुपरिवेक्षण समिति,विभिन्न उपसमितिका सदस्यहरू, संस्थाका कर्मचारीहरूका साथै संस्थाका सल्लाहकारहरु समेतको सहभागितामा तुवाचो गणेश मन्दिर परिसरको सरसफाई कार्य सम्पन्न गरिएको थियो। संस्थाले २४ गते साँझ संस्थाका अध्यक्ष तेज बहादुर च्वामु श्रेष्ठको संयोजकत्वमा संस्थाका सञ्चालक समिति, लेखासुपरिवेक्षण समिति, विभिन्न उपसमितिका सदस्यहरूका साथै संस्थाका कर्मचारीहरू र संस्थाका सल्लाहकारहरु समेतको उपस्थितिमा श्री तुवाचो गणेश मन्दिरमा दीप प्रज्वलन गरि हर्सोल्लासका साथ त्रि दिवसिय कार्यक्रमको समापन गरिएको थियो ।