सुदूरपश्चिमले कर्णालीलाई ६ विकेटले गर्यो पराजित
काठमाडौँ । नेपाल प्रिमियर लिग (एनपीएल) को लिग चरणका सबै खेल सकिएसँगै प्लेअफको समीकरण पुरा भएको हो ।
अन्तिम खेलमा सुदूरपश्चिम रोयल्सले कर्णालीलाई ६ विकेटले पराजित गरेको छ । कर्णालीले हारका बाबजुद प्लेअफमा स्थान बनाएको छ । जस अनुसार सुदूरपश्चिम रोयल्सले ७ खेलमा ६ खेल जितेर १२ अंकसहित शिर्ष स्थानमा रहेको छ ।
त्यस्तै जनकपुर बोल्ट्सले १० अंकसहित दोस्रो स्थानमा रहेको छ भने चितवन राइनोजले ८ अंकसहित तेस्रो र कर्णाली याक्सले ८ अंकसहित चौथो स्थानमा रहेको छ । अब पहिलो क्वालिफायरमा सुदूरपश्चिम र जनकपुर खेल्ने छन् । दुवैबीचको खेल बुधबार अपराहन्न १: १५ बजेदेखि हुने छ । त्यसअघि बुधबार बिहान इलिमिनेटर खेल हुने छ । इलिमिनेटरमा चितवन राइनोज र कर्णाली याक्स खेल्ने छन् । इलिमिनेटरमा विजयी टिमले दोस्रो क्वालिफायरमा पहिलो क्वालिफायरमा पराजित टिमसँग खेल्ने छ ।
त्यस्तै इलिमिनेटरमा पराजित हुने टिम भने बाहिरिने छ । दोस्रो क्वालिफायर खेल विहिबार अपराहन्न १२: १५ बजे हुने छ । त्यस्तै फाइनल खेल आगामी शनिबार अपराहन्न १२: १५ बजेदेखि हुने छ ।