हुन्डाईको आयोनिक ५ ईभीले गर्यो धेरै उचाइको विश्व कीर्तिमानी सडक यात्रा
काठमाडौं । हुन्डाई मोटर कम्पनीको आयोनिक ५ विद्युतीय गाडी (ईभी)ले विश्व कीर्तिमानी राख्न सबैभन्दा धेरै उचाइ परिवर्तन हुने सडकमा यात्रा गरेको छ । यो कीर्तिमानीको प्रयास हुन्डाई मोटर इन्डिया लिमिटेडले आयोजना गरेको थियो । यसका लागि आयोनिक ५ ले सबैभन्दा धेरै उचाइमा रहेको ड्राइभ गर्न सकिने विन्दु पाँच हजार ८०२ मिटरको उचाइसम्मको यात्रा गरेको हो । यो यात्रा भारतको लेलद्दाखस्थित समुद्री सतहभन्दा पाँच हजार ७९९ मिटर अग्लो उम्लिङ लाबाट सुरु भएर समुद्री सतहबाट तीन मिटर गहिराइमा रहेको केरलाको कुट्टानाड पुगेर टुंगिएको कम्पनीले जनाएको छ ।
चार हजार ९०० किलोमिटरको सहज र जटिलतासहितको यो यात्रा १४ दिनमा पूरा गरेको कम्पनीले बताएको छ । यसले गाडीको रेजिलेन्स, अत्याधुनिक प्रविधि र पर्फमेन्सको अब्बलता झल्काएको कम्पनीको विश्वास छ । आयोनिक ५ ईभीले जटिल वातावरणमा नेभिगेट गर्नसक्ने, हिमालयको चिसो तापक्रम, पहाडी बाटो र केरलाको आद्रतासहितको तटीय क्षेत्रमा यात्रा, हिमालयको चिसो तापक्रम र ठाडो पहाडी पासदेखि आद्रता भएको केरलाको तटीय क्षेत्रसम्मको यात्रा गरेको कम्पनीले जनाएको छ ।