नेपाली बजारमा बढ्यो सुनचाँदीको भाउ

काठमाडौं । बिहिबार नेपाली बजारमा सुनको भाउ फेरी बढेको छ ।

अघिल्लो दिन १४ सय रुपैयाँले बढेको सुनको भाउ आज ५ सयले बढेको हो । नेपाल सुनचाँदी व्यवसायी महासंघका अनुसार अघिल्लो दिन १ लाख ५१ हजार रुपैयाँमा किनबेच भएको छापावाला सुनको मूल्य आज १ लाख ५१ हजार ५ सय रुपैयाँमा कारोबार भएको छ ।

त्यस्तै, आज चाँदी प्रतितोला २५ रुपैयाँले बढेको छ । चाँदी बिहिबार १ हजार ७ सय ९० रुपैयाँमा खरिदबिक्री भएको छ । चाँदी अघिल्लो दिन १ हजार ७ सय ६५ रुपैयाँमा कारोबार भएको थियो ।