राष्ट्रिय प्रजातन्त्र पार्टी (राप्रपा)ले चियापान कार्यक्रम आयोजना
काठमाडौं । पृथ्वीनारायण शाहको ३०३औँ जन्मजयन्ती तथा राष्ट्रिय एकता दिवसका अवसरमा राष्ट्रिय प्रजातन्त्र पार्टी (राप्रपा)ले चियापान कार्यक्रम आयोजना गर्यो । काठमाडौंको भृकुटीमण्डपमा शनिबार आयोजित चियापानमा प्रधानमन्त्री एवं नेकपा (एमाले)का अध्यक्ष केपी शर्मा ओलीसहित विभिन्न पार्टीका नेता–कार्यकर्ता सहभागी भए ।
प्रधानमन्त्री ओलीलाई राप्रपाका अध्यक्ष राजेन्द्र लिङदेनलगायत नेताहरूले स्वागत गरेका थिए । चियापान कार्यक्रममा गायक रामकृष्ण ढकालले गीत गाएका थिए । नृत्य समेत प्रस्तुत गरिएको थियो ।