बिरामीको बाहना गर्ने कर्मचारी बढेपछि कम्पनीले खटाउन थाल्यो जासुस

जर्मनीको रोजगारी बजारमा अचम्मको प्रवृत्ति देखिएको छ । बिरामीको बहानामा लामो समय बिदामा बसेका कर्मचारीलाई कम्पनीहरूले निगरानी गरिरहेका छन् । यसका लागि निजी जासुसहरू राखिएको छ । यसको उद्देश्य यी सबै बिदाहरू साँच्चै आवश्यक वा एक बहाना थियो भनेर पत्ता लगाउनु हो। फ्रैंकफर्टमा रहेको लेन्ट्ज ग्रुप नामको एक निजी जासुस एजेन्सीले यस्तो खुलासा गरेको छ। एजेन्सीका अनुसार उनीहरूको कम्पनीले प्रत्येक वर्ष लगभग १२०० यस्ता घटनाहरूको अनुसन्धान गर्छ, जुन विगत केही वर्षको तुलनामा दोब्बर हो। जर्मनीको तथ्याङ्क निकाय डेस्टाटिसको तथ्यांकअनुसार सन् २०२१ मा हरेक कर्मचारीले औसतमा ११.१ दिन बिरामी बिदा लिएका थिए, जुन २०२३ मा बढेर १५.१ दिन पुगेको छ। सन् २०२३ मा यी बिदाका कारण देशको जीडीपी ०.८ प्रतिशतले घटेको थियो। जसले गर्दा देशले आर्थिक मन्दीको सामना गर्नुपरेको थियो। जर्मन कानुन अन्तर्गत, बिरामी बिदामा कामदारहरूले ६ हप्ताको लागि पूरा तलब पाउँछन्। यसपछि बीमा कम्पनीहरूले आफ्नो खर्च बेहोर्छन् । तर यो प्रणाली धेरै कम्पनीहरूको लागि वित्तीय बोझ भएको छ।