मध्यपश्चिम विश्वविद्यालयको स्ववियु निर्वाचनमा नेविसंघ विजयी
सुर्खेत । मध्यपश्चिम विश्वविद्यालयको स्वतन्त्र विद्यार्थी युनियन (स्ववियु) को निर्वाचनमा कांग्रेस निकट नेविसंघ विजयी भएको छ। सभापतिमा नेविसंघका विवेक खड्का ११ सय ८८ मत ल्याएर निर्वाचित भएका छन्। उनका निकटतम प्रतिद्वन्द्वी अनेरास्ववियुका जगतजंग शाहीले ९०७ मत ल्याए। यस्तै अखिल क्रान्तिकारी तेस्रो स्थानमा आयो । सचिवमा भूपेन्द्र आचार्यले १३ सय ९६ विजयी भए भने कोषाध्यक्षमा लोकप्रसाद रिजाल निर्वाचित भए । मंगलबार राति सम्पन्न मतगणना अनुसार सबै पदमा नेविसंघका उम्मेदवार विजयी भएका हुन् । कुल ४ हजार ३८३ मतदातामध्ये २ हजार ८६४ जना मतदानमा सहभागी थिए ।