कुमारी बैंकको २४औँ वार्षिकोत्सव सम्पन्न
काठमाडौं । कुमारी बैंक लिमिटेडले विभिन्न कार्यक्रम आयोजना गरी आफ्नो २४औँ वार्षिकोत्सव मनाएको छ । बैंकको २४औँ वार्षिकोत्सवको अवसरमा कर्मचारीलाई आ–आफ्नो परम्परा र सांस्कृतिक महत्त्व दर्साउन परम्परागत भेषभुषाु पहिरन गर्न प्रोत्साहित गरेको छ । यस कार्यक्रमले कर्मचारीहरूलाई आफ्नो परम्परागत पृष्ठभूमिको प्रतिनिधित्व गर्ने पोसाकमार्फत सांस्कृतिक पहिचान तथा सम्बर्धन गर्न मद्दत पुर्याएको विश्वास लिइएको छ । विविध सांस्कृतिक परम्परालाई अंगाल्दै, बैंकले आफ्नो कार्यक्षेत्रमा विविधतामा एकताुलाई जोड दिएको छ ।
यस पहलमार्फत, बैंकले सबैका लागि सधैँका लागि भन्ने मूल उदेश्यभित्र रही आन्तरिक आबद्धताको भावनालाई बढवा दिन, संस्थागत संस्कृति र सामुदायिक कार्यलाई निरन्तरता दिएको बताइएको छ । यसका साथै वार्षिकोत्सवको अवसरमा विभिन्न स्थानमा रक्तदान कार्यक्रम आयोजना गरियो । यसले स्थानीयस्तरमा रक्त बैंकका आवश्यकता तथा जीवन बचाउने अभियानमा महत्त्वपूर्ण योगदान गर्ने लक्ष्य रहेको बैंकले जनाएको छ । कुमारी बैंकले ३०२ शाखा सञ्जाल, ३१६ एटीएम, ५० एक्सटेन्सन काउन्टर तथा ५४ शाखा रहित बैंकिङ इकाईहरूमार्फत आफ्ना ग्राहकवर्गलाई सेवा दिँदै आएको छ ।