निश्चित बिचौलियाले गभर्नर बनाउलान् कि भन्ने चिन्ता छ : महामन्त्री थापा
काठमाडौं । नेपाली कांग्रेसका महामन्त्रीसमेत रहेका सांसद गगन थापाले अहिले सर्वसाधारणमा बिचौलियाले गभर्नर बनाउँछन् कि भन्ने चिन्ता रहेको बताएका छन् । शनिबार बाह्रखरी मिडियाले आयोजना गरेको आर्थिक परिसंवादुमा थापाले अहिले राजनीतिक दलभन्दा पनि निश्चित बिचौलियाले गभर्नर बनाउलान् कि भन्ने चिन्ता रहेको बताएका हुन् ।
अहिले गभर्नर नियुक्तिको चर्चा चलेको छ । भोलि पर्सि नै नियुक्त पनि होला । तर, राजनितीक दलका नेताले भन्दा बिचौलियाले प्रभाव पार्लान् कि भन्ने चिन्ता छ, उनले भने, पहिलेपहिले फलानो पार्टीले राम्रो क्याडेड ल्यायो भन्ने हुन्थ्यो, अहिले निश्चित घराना र प्रभावमा हुने चिन्ता छ । हामी ट्रान्सपरेन्ट नहुनुको नतिजा हो । जे जति निर्णय गरे पनि खुलारूपमा गरे यस्ता चिन्ता नहुने उनको भनाइ छ ।