राप्रपाका अध्यक्ष राजेन्द्र लिङ्देन प्रहरी नियन्त्रणमा
काठमाडौं । प्रहरीले राष्ट्रिय प्रजातन्त्र पार्टी राप्रपाका अध्यक्ष राजेन्द्र लिङ्देन प्रहरी नियन्त्रणमा परेका छन् ।
अध्यक्ष लिङ्देनलाई प्रहरीले सिहदरबारबाट नियन्त्रणमा लिएको हो । पक्राउ पर्नुअघि पार्टीको संसदीय दलको कार्यालयमा लिङ्देनसहितका नेताहरूलाई प्रहरीले रोक्ने प्रयास गरेको थियो । यद्यपि उनीहरू बाहिर निस्किएर सिंहदरबारबाहिर निस्कन खोजेपछि प्रहरीले नियन्त्रणमा लिएको हो ।
अन्य नेता तथा कार्यकर्ताहरू हाल विजुली बजार पुल वरपर प्रदर्शन गरिरहेका छन् । उनीहरुले अध्यक्षलाई रिहाई गर, राजतन्त्र जिन्दावाद लगाएतका नाराहरु लगाउँदै प्रदर्शन गरिरहेका छन् ।