आईएमई लाइफ इन्स्योरेन्स र लुम्बिनी केवलकारबीच सहकार्य
काठमाडौं । आईएमई लाइफ इन्स्योरेन्स कम्पनी र लुम्बिनी केवलकार प्रालिबीच सहकार्य भएको छ । सहकार्यपछि अब बीमित, अभिकर्ता तथा कर्मचारीहरूलाई लुम्बिनी केवलकारको टिकट खरिदमा २० प्रतिशत छुट प्रदान गरिने भएको छ । सम्झौताअनुसार बीमितहरूले कम्पनीको मोबाइल एपमा रहेको बीमालेख देखाएर, तथा अभिकर्ता र कर्मचारीहरूले आधिकारिक परिचयपत्र प्रस्तुत गरेर छुट सुविधा प्राप्त गर्न सक्नेछन् ।
टिकट भने लुम्बिनी केवलकारको काउन्टरमा नै खरिद गर्नु पर्नेछ । कम्पनीका अनुसार यस प्रकारको सहकार्यले ग्राहक, अभिकर्ता र कर्मचारीहरूलाई थप सकारात्मक अनुभव र ऊर्जा दिने अपेक्षा गरिएको छ । भविष्यमा छुट सुविधालाई अझ प्रभावकारी र प्रविधिमैत्री बनाउन प्रिभिलेज कार्ड प्रणाली सुरु गर्ने लक्ष्य लिइएको छ ।