चन्द्रकुवेर खापुङ आईजीपीमा नियुक्त
काठमाडौँ । चन्द्रकुवेर खापुङ प्रहरी महानिरीक्षक (आईजीपी) मा नियुक्त भएका छन्।
शुक्रबार बसेको मन्त्रिपरिषद् बैठकले केन्द्रीय अनुसन्धान ब्युरो (सिआइबी)का प्रमुख तथा प्रहरी अतिरिक्त महानिरीक्षक खापुङलाई आइजिपीमा नियुक्त गर्ने निर्णय गरेको स्रोतले जानकारी दिएको छ । वर्तमान आईजीपी दीपक थापा यही भदौ १७ गते मध्यरातिबाट अनिवार्य अवकाशमा जाँदैछन् ।
भदौ १९ गतेदेखि लागू हुनेगरी नेपाल प्रहरीका ३२औँ महानिरीक्षकमा खापुङ नियुक्त भएका हुन्।