मुगु जिल्लामा छायानाथ राष्ट्रिय निकुञ्ज स्थापना गर्ने निर्णय
काठमाडौँ । सरकारले मुगु जिल्लाको मुगूम कार्मारोङ गाउँपालिकामा छायानाथ राष्ट्रिय निकुञ्ज स्थापना गर्ने निर्णय गरेको छ।
वन मन्त्रालयको प्रस्तावमा आज बसेको मन्त्रिपरिषद् बैठकले निर्णय गरेको हो । यसअघि सो क्षेत्र डोल्पाको शे–फोक्सुन्डो राष्ट्रिय निकुञ्जसँग जोडिएको थियो । तर कार्मारोङबाट त्यहाँ पुग्न झन्डै सात दिन पैदल यात्रा गर्नुपर्ने बाध्यता भएकाले स्थानीयलाई सेवा सुविधा लिन निकै कठिनाइ थियो। स्थानीयको निरन्तर आग्रहपछि वन मन्त्री ऐन बहादुर शाहीको पहलमा नयाँ निकुञ्ज स्थापना भएको हो ।
यस निर्णयपछि मुगुका बासिन्दालाई प्रशासनिक तथा निकुञ्जसम्बन्धी सेवाहरू नजिकैबाट लिन सहज हुने अपेक्षा गरिएको छ ।