रास्वपाका आकांक्षाहरू सभापति भेट्न नख्खुमा
काठमाडौं । रुपन्देही-३ को उपनिर्वाचनका लागि राष्ट्रिय स्वतन्त्र पार्टी (रास्वपा) का आकांक्षाहरूले पार्टी सभापति रवि लामिछानेलाई भेट्न गएका छन् ।
आज रास्वपाले आफ्नो उम्मेदवार घोषणा गर्दै छ । पार्टीले उम्मेदवार घोषणा गर्नुअघि आकांक्षीहरू सभापति लामिछानेलाई भेट्न ललितपुरस्थित नख्खु कारागार पुगेका हुन् । लामिछाने सहकारी ठगी प्रकरणमा पुर्पक्षका लागि थुनामा छन् । भैरहवामा रहेका लामिछानेलाई केहिसमय अघिमात्र नख्खु सारिएको थियो ।
रास्वपाले आज एक जना उम्मेदवार घोषणा गर्दैछ । सचिवालय बैठक बस्ने र बैठक लगत्तै उम्मेदवार घोषणा गर्ने रास्वपाको तयारी छ ।