अब नेपालमा कुन कुन सामाजिक सञ्जाल चल्छ ?

काठमाडौं । सरकारले सूचीकरण नभएका सामाजिक सञ्जालहरू आजैदेखि बन्द गर्ने निर्णय गरेको छ । लामो समयदेखि बन्द हुने हल्ला फैलीरहेका बेला अब भने बन्द गर्ने भएको हो ।

अब सामाजिक सञ्जालहरु बन्द हुने भएपछि धेरैले कुन-कुन बन्द हुने र कुन चल्ने भन्ने बारेमा थाहा पाएका छैनन् तर यदि सरकारले आज सामाजिक सञ्जाल बन्द गरेपनि नेपालमा केही सामाजिक सञ्जाल प्रयोग गर्न पाइने छ । सञ्चार तथा सूचना प्रविधि मन्त्रालयका अनुसार हालसम्म नेपालमा व्यापक चलिरहेको टिकटक, भाइबर, निम्बज, वीटक र ओपोलाइभ गरी पाँच वटा सामाजिक सञ्जाल सूचीकरण छन् । यदि सरकारले सूचीकरण नभएका सामाजिक सञ्जालहरू बन्द गरे र आजबाट अरु सामाजिक सञ्जाल नचलेपनि यी सञ्जाल भने चल्नेछन् ।

आज सञ्चार मन्त्रीसहितको बैठकले फेसबुकलगायत सूचीकरण नभएका सामाजिक सञ्जालहरू बन्द गर्ने निर्णय गरेको छ । मन्त्रालयले सर्वोच्च अदालतको आदेश पालन गर्दै सूचीकरणका लागि नआएका प्लेटफर्मलाई नेपालभर प्रयोग गर्न रोक लगाइने विज्ञप्तिमार्फत जानकारी दिएको छ । नेपालमा सूचीकृत नभएका र अब बन्द हुने सामाजिक सञ्जाल यी हुन

– फेसबुक

– म्यासेन्जर

– इन्स्टाग्राम

– युट्युब

– ह्वाट्सएप

– ट्वीटर (एक्स)
– इमो

– जालो

– सोल

– हाम्रो पात्रो

– लिंक्ड इन

– स्न्याप च्याट

– रेडिट

– डिस्कर्ड

– पिन्ट्रेस्ट

– सिग्नल

– थ्रेड

– वी च्याट

– कोरा

– सम्ब्लर

– क्लब हाउस

– मास्टर डन

– रम्बल

– मि वी

– मि भिके

– लाइन