एनआईसी एशिया बैंकको सीईओमा सुजित कुमार शाक्य नियुक्त
काठमाडौँ । एनआईसी एशिया बैंकले प्रमुख कार्यकारी अधिकृत (सीईओ) मा सुजित कुमार शाक्यलाई नियुक्त गरेको छ । कम्पनीको कात्तिक १७ गते बसेको संञ्चालक समितिको बैठकले शाक्यलाई सीईओको जिम्मेवारी दिने निर्णय गरेको हो । शाक्य बैंकको सीईओको रुपमा चार वर्षको लागि नियुक्त गरिएको हो । उनले अबको ३० दिन भित्र बैंकमा कार्यभार सम्हाल्नेछन् ।
अहिले नबिल बैंकको सिनियर डिसिओ रहेका शाक्यले यसअघि कामु सीईओको जिम्मेवारी समेत निर्वाह गरी सकेका छन् । बैंकिङ क्षेत्रमा करिब ३० वर्षको अनुभवी शाक्यले यसअघि ग्लोबल आइएमई बैंकमा महत्वपूर्ण व्यवस्थापन भूमिका सम्हालेका थिए। ग्लोबलमा जाने अघि उनी जनता बैंकमा कार्यरत थिए भने जनता बैंक ग्लोबल आइएमईसँग गाभिएपछि पनि केही समय उनले निरन्तरता दिएका थिए। यसभन्दा अघि शाक्य सिभिल बैंकमा समेत काम गरिसकेका छन्।
