कोशीमा एमालेको सरकार बनाउछौँ एमालेले मजाले चलाउँछ : ओली
बिराटनगर । नेकपा एमालेका अध्यक्ष केपी शर्मा ओलीले कोशी प्रदेशमा आफ्नो दलको सरकार बन्ने दाबी गरेका छन् ।
शुक्रबार बिराटनगर विमानस्थलमा सञ्चारकर्मीहरुसँग कुरा गर्दै ओलीले सो दाबी गरेका हुन् । उनले भने, ‘एमालेको सरकार बन्छ । एमालेको सरकार चल्छ । एमालेले मजाले चलाउँछ ।’ सत्ता गठबन्धनको अलोकतान्त्रिक र असंवैधाािनक क्रियाकलापका कारण कोशीमा अस्थिरता भएको बताए ।
उनले भने, ‘सत्ता पक्षले नबनेको सरकार बन्यो भन्ने, कांग्रेस जस्तो पुरानो पार्टीले एकछिनका लागि बलजफ्ती गरको, संविधान मिच्ने ? हिजो हतियार उठाएर हिँडेको माओवादीले संविधान नमान्नु ठूलो विषय होइन, ‘कांग्रेसले त मान्नुपर्थ्यो नि कमसेकम ।’
सरकार चलाउन त ४७ (बहुमत) पुर्याउनु पर्ला नि भन्ने अर्को प्रश्नमा एमाले अध्यक्ष ओलीले भने, ‘४७ होइन, ५० भन्दा माथि जान्छ ।’