ललिता निवास प्रकरण : पक्राउ परेकाहरुमध्य १७ जनालाई धरौटीमा छाड्न आदेश
काठमाडौं । ललिता निवास जग्गा प्रकरणमा पक्राउ परेका एक जनाबाहेक बाँकी १७ जनासबैलाई जिल्ला अदालत काठमाडौंले धरौटीमा छाड्ने आदेश दिएको छ ।
न्यायाधीश भोलानाथ ढकालको इजलासले केशव तुलाधरबाहेक सबै आरोपितलाई धरौटीमा छाड्ने आदेश दिएको काठमाडौं जिल्ला अदालत स्रोतले जानकारी दिएको छ । तुलाधरलाई भने सामान्य तारेखमा छाड्न आदेश दिएको हो । बालुवाटारस्थित ललिता निवासको जग्गा व्यक्तिको नाममा नामसारी गरेको अनियमितता प्रकरणमा जिल्ला सरकारी वकिल कार्यालयले सरकारी कागजात किर्ते आरोपमा मुद्दा चलाएको थियो । थुनामा रहेका १८ जनामध्ये एक जनालाई अदालतले साधारण तारेखमा रिहा गर्न आदेश गरेको छ भने बाँकी १७ जनालाई धरौटीमा रिहा गर्न आदेश दिएको हो ।
गुरुङसँग अदालतले २ करोड ४६ लाख रुपैयाँ धरौटी माग गरेको छ ।
साथै अरुसँग क्रमश
केशव तुलाधर,साधारण तारेखमा रिहा,
शिवजी भट्ट–३ लाख ३० हजार ,रुद्र कुमार श्रेष्ठ– ७ लाख ५० हजार,बालकृष्ण श्रेष्ठ –७ लाख ५० हजार,कलाधर देउजा –१५ लाख,घमन कुमार कार्की– ७ लाख ५० हजार,गोपाल कार्की –७ लाख ५० हजार,विनोद पौडेल– १५ लाख,योगराज पौडेल– ७ लाख ५० हजार,नारायणराज मिश्र –७ लाख ५० हजार,अरुण कुमार श्रेष्ठ –७ लाख ५० हजार,ध्रुव प्रसाद अर्याल –३ लाख ३० हजार,बाबुराजा महर्जन– १ लख १० हजार,देवनारायण महर्जन – १ लाख १० हजार,सकलानन्द महर्जन– १ लाख १० हजार,सञ्जय कुमार महर्जन– १ लाख १० हजारलोकरि घिमिरे –७ लाख ५० हजार