नेपाल सुपर लिग आज चितवन र बुटवल लुम्बिनी भिड्दै
काठमाडौं । नेपाल सुपर लिग ९एनएसएल० २०२३ अन्तर्गत आज एफसी चितवन र एफसी बुटवल लुम्बिनीबीच खेल हुँदैछ । यो खेल त्रिपुरेश्वरस्थित दशरथ रंगशालामा साँझ ५ बजे सुरु हुनेछ ।
दुवै टोलीका लागि यो चौथो खेल हुनेछ । यसअघि दुवैले समान एक खेल जितेका छन् । अंक तालिकामा बटम हाफमा रहेका यी दुई टोलीलाई टप हाफमा पुग्ने अवसर छ ।
चितवन ३ खेलबाट ४ अंकसहित पाँचौ स्थानमा छ । समान खेलबाट ३ अंक रहेको बुटवल लुम्बिनी सातौं स्थानमा छ । पहिलो खेलमा पोखरा थण्डर्ससँग पराजित भएको चितवनले त्यसपछि काठमाडौं रेजर्ससँग बराबरी खेलेको थियो भने वीरगंज युनाइटेडलाई पराजित गर्दै पहिलो जित निकालेको थियो ।