आज काठमाडौँमा यो वर्षकै सबैभन्दा चिसो महसुस
काठमाडौं । आज काठमाडौँमा यो वर्षकै सबैभन्दा चिसो महसुस गरिएको छ । काठमाडौँको तापक्रम न्यूनतम ३ डिग्रीमा झरेपछि अघिल्ला दिनको तुलनामा आज बढी चिसो भएको हो ।
मौसमविद्का अनुसार बिहान ८ः ४५ को न्यूनतम तापक्रम ३ डिग्री सेल्सियस रहेको थियो । जुन यो वर्षको हिउँदयाममा अहिलेसम्मकै कम तापक्रम मापन गरिएको छ । आज (शुक्रबार) बिहान भने काठमाडौंको न्यूनतम तापक्रम ३.४ डिग्री सेल्सियस मापन गरिएको थियो । पौने ९ बजे घटेर ३ डिग्री सेल्सियसमा आइपुगेको थियो । यसअघि माघ ८ गते साँझ काठमाडौँको न्यूनतम तापक्रम ३.२ डिग्री सेल्सियस मापन भएको थियो ।
आजको मौसम अनुमानको आधारमा अघिल्ला दिनको तुलनामा बढि जाडो हुने साथै सर्तकता अपनाउन समेत आग्रह गरिएको छ ।