आज नेपाली राष्ट्रिय क्रिकेट टोलीले गुजरातविरुद्ध खेल्दै
काठमाडौँ । नेपाली राष्ट्रिय क्रिकेट टिम अहिले भारत भ्रमणमा रहेको छ । फ्रेन्डसिप कप खेल्न गएको नेपाली टोलीले आज पहिलो खेलमा गुजरात क्रिकेट एसोसियसनसँग खेल्न लागेको छ ।
टी-२० फर्म्याटमा हुने यो खेल नेपाली समय अनुसार २: ४५ बजेदेखि शुरु हुनेछ । भारतको गुजरात र बरोडासँग भारतको गुजरातको भापीमा टी-२० फ्रेन्डसिप कप हुनेछ ।आजदेखि अप्रिल ७ सम्म हुने यस टी-२० कप त्रिकोणीय सिरिज खेल्न नेपाली राष्ट्रिय क्रिकेट टिम यसअघि नै भारत पुगिसकेको छ । गुजरात प्रस्थान गर्नुअघि नेपालले आयरल्यान्डको ‘ए’ टोलीसँग २ वटा टी-२० खेल खेलेको थियो । जहाँ नेपालले दुवै खेल जित्दै सिरिज क्लिन स्विप गर्दै भारत प्रस्थान गरेको हो।
नेपालले टी-२० विश्वकपको तयारी गर्न भारतका क्षेत्रीय टोलीहरूसँग खेल्न लागेको हो। भारतबाटै नेपाल ओमानमा अप्रिल १२ देखि २१ सम्म हुने एसीसी प्रिमियर कप खेल्न जादै छ ।