डीटीएमएक्स ९७७ च्याम्पियनसिप फाइनल रेसको टिकट ‘आईएमई पे’ बाट
काठमाडौँ । धुलिखेलमा ५ जेठमा हुने डीटीएमएक्स ९७७ च्याम्पियनसिप सिरिजको फाइनल रेसको टिकट आईएमई पे एप मार्फत खरिद गर्न सकिने भएको छ । एलिट तथा ओपन वर्गमा हुने रेसमा विजेताहरूले क्रस फायर ट्राकर २५० डर्ट मोटरसाइकल र टिमसन एमएक्स रेसिङ टायर्स् जित्नेछन् । साथै दुवै वर्गका शीर्ष दाबेदारहरूले एसर्बिस् रेसिङको उत्कृष्ट गियरहरू जित्नेछन् ।
कार्यक्रममा विभिन्न सांगीतिक ब्यान्डका प्रस्तुतिसँगै मोटोक्रस प्रतिस्पर्धा, लाइभ संगीत प्रस्तुति र धेरै उपहारहरूले भरिएको एड्रेनालाइन पम्पिङ दिनका लागि आईएमई पे एपमार्फत ५ सय रुपैयाँमा टिकट खरिद गर्न सकिने कम्पनीले जानकारी दिएको छ । डर्ट बाइक रेसिङ सँगसँगै कार्यक्रममा दीपक बज्राचार्य र रिदम ब्यान्ड, सुदेश्ना सेन, अब्लिभियस ब्यान्ड, देवेन्द्र बब्लु एन्ड द फिरन्ते लगायतका कलाकारहरूको सांगीतिक प्रस्तुति रहने आयोजकले जनाएको छ ।