चन्द्रागिरि केबलकारमा विद्युत् आपूर्ति बन्द ,फसेकाको उद्धार गरिदै
काठमाडौँ । काठमाडौंको चन्द्रागिरि केबलकारमा प्राविधिक कारणले विद्युत् आपूर्ति बन्द हुँदा यात्रुहरू बीचमा फसेका छन्।
बुधबार दिउँसो साँढे १ बजे चन्द्रागिरि नगरपालिकास्थित केबलकारमा प्राविधिक समस्याका कारण आठ वटा डिब्बामा यात्रुहरू फसेका छन् ।
विद्युत् सेवा सुचारु हुन समय लाग्ने भएकाले सशस्त्र प्रहरीको टोलीले उद्धार गरिरहेको छ । अहिलेसम्म ८ जनाको उद्धार गरिएको प्रहरीले जनाएको छ । केबलकारमा कति यात्रु फसेका छन् भन्ने यकिन भएको छैन । ८ वटा डिब्बामा कम्तिमा ३० यात्रु भएको हुनसक्ने अनुमान प्रहरीले गरेको छ ।