देशभरका यातायात कार्यालयको सर्भर डाउन,सेवाग्राही प्रभावित

काठमाडौं । यातायात कार्यालयको सर्भर डाउन हुँदा देशभरका यातायात कार्यालयको काम ठप्प भएको हो ।

आज बिहानबाट सर्भरमा समस्या आएकाले भौतिक पूर्वाधार तथा यातायात मन्त्रालय अन्तर्गतका देशभरका यातायात कार्यालयको काम प्रभावित भएको छ । सर्भर डाउन भएर काम नहुँदा सेवाग्राहीहरु धेरै समस्यामा परेका छन् र लामो लाइनमा उभिन बाध्य भएका छन् ।
यातायात व्यवस्था विभागका सूचना अधिकारी ईश्वरीदत्त पनेरुले भने, ‘‘सर्भर डाउन हुँदा देशभरका यातायात कार्यालयको काम प्रभावित भएको हो । सर्भर सिस्टममा ल्याउने काम भइरहेको छ ।’’