कीर्तिपुर नगरपालिकाका मेयर नकर्मीको निधन

काठमाडौं । कीर्तिपुर नगरपालिकाका मेयर राजकुमार नकर्मीको बिहीबार राति साढे १० बजे वीरअस्पतालमा उपचारका क्रममा उनको निधन भएको छ । उनी लामो समयदेखि मृर्गौलाको विरामी थिए । मेयर नकर्मीको निधनमा कीर्तिपुर नगरपालिकाले आज सार्वजनिक बिदा दिएको छ ।

नकर्मीको पार्थिव शरीर अन्तिम श्रद्धाञ्जलीका लागि बिहान ९ बजेबाट कीर्तिपुर नगरपालिकाको कार्यालय प्रांगणमा राख्ने बताइएको छ । नकर्मी गत स्थानीय चुनावमा कांग्रेसबाट मेयरमा निर्वाचित भएका थिए ।