सुनको मूल्यमा सामान्य गिरावट

काठमाडौं । नेपाली बजारमा आज (सोमबार) सुनको मूल्यमा सामान्य गिरावट आएको छ । यो दिन तोलामा एक सय रुपैयाँले गिरावट आएको हो ।

नेपाल सुन-चाँदी व्यवसायी महासंघका अनुसार सोमबार सुनको मूल्य तोलामा १ लाख ४८ हजार ७ सय रुपैयाँमा कारोबार भइरहेको छ । आइतबार सुनको मूल्य तोलाको १ लाख ४८ हजार ८ सय थियो ।

आज चाँदीको मूल्य तोलाको १ हजार ७१५ रुपैयाँमा कायम भएको छ । आइतबार यसको मूल्य प्रतितोला १ हजार ७२० रुपैयाँ कायम थियो ।