‘फेक डकुमेन्ट’ को सहारामा प्रधानमन्त्री विरुद्ध दुष्प्रचार गरेको भन्दै दुर्गा प्रसाईँ पक्राउ
काठमाडौं । दुर्गा प्रसाईं पक्राउ परेका छन् । उनलाई प्रहरीले भक्तपुरस्थित उनको आफ्नै निवासबाट पक्राउ गरेको हो ।
केन्द्रीय अनुसन्धान व्युरो सीआईबीले उनलाई साइबर अपराध मुद्दामा पक्राउ गरिएको पुष्टि गरेको छ । ‘सामाजिक सन्जालमार्फत् अफवाह फैलाउनेहरुमाथि हाम्रो सधैं निगरानी रहन्छ । त्यही क्रममा प्रारम्भिक अध्ययन गरेर नियन्त्रणमा लिएका हौं सीआईबी प्रमुख दीपक थापाले भने ।
प्रसाईले सोमबार प्रधानमन्त्री केपी शर्मा ओलीले कम्बोडियामा लगानी गरेको भन्दै प्रचार गरेका थिए । उनको दाबीमा सत्यता नदेखिएको सीआइबीले जानकारी दिएको छ ।
‘फेक डकुमेन्ट’ को सहारामा प्रधानमन्त्री केपी शर्मा ओलीविरुद्ध दुष्प्रचार गरेको समेत सीआईबीको निष्र्कष रहेको छ ।