रोहितको अलराउण्ड प्रर्दशनमा लुम्बिनी लायन्सले चितवनलाई ३३ रनले जित्यो
काठमाडौं । कप्तान रोहितकुमार पौडेलको उत्कृष्ट अलराउण्ड प्रर्दशनमा लुम्बिनी लायन्सले चितवन राइनोजलाई पराजित गरेको छ । लुम्बिनीले राइनोजलाई ३३ रनले पराजित गरेको हो ।
टस हारेर पहिले ब्याटिङ गरेको लुम्बिनीले निर्धारित २० ओभरमा ६ विकेट गुमाउँदै १६७ रन बनाएको थियो । उक्त लक्ष्य पछ्याएको चितवनले २० ओभरमा ८ विकेट गुमाउँदै १३४ रन मात्र बनाउन सक्यो ।
लुम्बिनीका कप्तान रोहितकुमार पौडेलले ब्याटिङमा ८० रन बनाए भने बलिङमा ४ विकेट लिए । कप्तान पौडेल र साद बिन जाफरबीच सतकीय साझेदारी भएको थियो । चितवनका रिजन ढकालले तीन विकेट लिएका थिए । कप्तान कुशल मल्ल र रन्जित कुमारले १–१ विकेट ।
लगातार चार खेल हारेको लुम्बिनीले प्लेअफको दौडमा कायम रहनका लागि आज जित्नैपर्ने दबाव खेल जितेको हो ।