कुलब्वाईको डेब्यु फिल्म ‘होस्टेल ३’ को पोस्टर सार्वजनिक
काठमाडौँ । फिल्म ‘होस्टेल’को तेस्रो श्रृंखला ‘होस्टेल ३’ को पोस्टर सार्वजनिक भएको छ । पोस्टरसँगै फिल्म आगामी फागुन २३ गते रिलिज गर्ने घोषणा गरिएको छ ।
चलचित्रको पहिलो पोस्टरमा चार मुख्य पात्रलाई देखाइएको छ, जसले चलचित्र हास्यरसमा आधारित रहेको संकेत गर्छ । उनिहरु सबै हासिरहेको अबस्थामा देखिन्छ । पोस्टरमा चलचित्रमा प्रमुख पुरुष पात्रले बास्केटबल कोर्टमा रमाइला गतिविधि गरिरहेको देखिन्छ । यी चार मुख्यपात्र पारस बम (कुलब्वाई), आशिष घिमिरे, रिहान गिरी र पदम तामाङ हुन् ।
पात्रहरूको हास्यपूर्ण शैलीले चलचित्रको कथावस्तु रमाइलो र जीवन्त हुने संकेत गर्छ । यस चलचित्रका मुख्य मात्रहरुमा पारस बम अथवा कुलब्वाई उनि सामाजिक सञ्जालका चर्चित कन्टेन्ट क्रिएटर हुन् । उनि सामाजिक सञ्जालमा विशेषगरी टिकटकमा रमाइला गतिबिधि गर्ने गर्दछन । त्यसैगरी आशिष घिमिरे चर्चित अभिनेता केदार घिमिरे ‘माग्ने बूढा’का छोरा हुन् । यता रिहान गायक तथा ‘भ्वाइस अफ नेपाल’को सिजन ५ का फाइनलिस्ट हुन् । पदम तामाङ उनिपनि सामाजिक सञ्जालमा चिरपरिचित छन् ।
‘होस्टेल ३’ ले क्याम्पस जीवनका संघर्ष, मित्रता, र रमाइला क्षणको कथा समेट्ने अपेक्षा गरिएको गरिएको छ । सशान कँडेलको कथा र निर्देशन रहेको यस फिल्मको स्क्रिप्ट माधव शर्माले लेखेका हुन् । चलचित्र सम्मान इन्टरटेनमेन्टले आरोन कन फिल्म्ससँगको सहकार्यमा निर्माण गरेको हो । निर्माताहरू कर्ण कार्की र गोविन्द अधिकारी, सहनिर्माता सुरेश कँडेल तथा कार्यकारी निर्माता शंकर कोइराला हुन्।
यस फिल्ममा पारस बम कुलब्वाई सहित रिहान, आशिष, पदमसहित सिम्रन पन्त, हेना नगरकोटी, उमर खान, समा पराजुली, सन्तोष बानियाँ, रोहन श्रेष्ठ, आशिष घिमिरे लगायत कलाकारको अभिनय रहेको छ ।