नेसपाद्वारा ‘अप्रेशन सिन्दूर’ अन्तर्गत आतंकारीहरूमाथि गरेको आक्रमणलाई समर्थन
काठमाडौँ । नेपाल समाजवादी पार्टीले भारतले पाकिस्तानका ९ वटा आतंककारीस्थलमा सुरु गरेको ‘अप्रेशन सिन्दूर’ अन्तर्गत आतंकारीहरूमाथि गरेको आक्रमणलाई समर्थन गरेको छ ।
महेन्द्र राय यादव अध्यक्ष रहेको नेसपाले आज एक विज्ञप्ति जारी गर्दै भारतले सुरु गरेको अपरेशन सिन्दुरको समर्थन गरेको हो । बैशाख ९ गते आतंकवादी हमलामा नेपाली नागरिक सुदीप न्यौपानेको ज्यान समेत गएको हुँदा भारतले सुरु गरेको आतंकवादविरुद्धको कार्वाहीको समर्थन जनाएको नेसपाले बताएको छ ।
महासचिव रमेश प्रसाद यादवले जारी गरेको विज्ञप्तिमा भनिएको छ,‘भारतले पाकिस्तानका ९ वटा आतंककारी स्थलमा शुरु गरेको ‘अप्रेशन सिन्दूर’ अन्तर्गत आतंकारीहरू माथि गरेको आक्रमणलाई नेपाल समाजवादी पार्टीले समर्थन गर्दछ । बैशाख ९ मा आतंकवादी हमलामा नेपाली नागरिक सुदीप न्यौपानेको ज्यान समेत गएको हुँदा भारतले सुरु गरेको आतंकवाद विरुद्धको कार्वाही अन्तर्गत पाकिस्ता आतंकवादीको आश्रय स्थललाई ध्वस्त पार्ने कार्य मानवतालाई संरक्षण सम्बर्धन तथा आतंकवादलाई निस्तेज गर्ने कार्य सराहनीय छ ।’ उनले फेसबुकमा लेखेका छन्, ‘भारतले आतंकवाद विरुद्ध अपरेसन सिन्दूर सञ्चालन गरेको छ । आतंकवाद मानव सभ्यताको सबैभन्दा खराब कुरा हो । आतंकवादविरुद्ध लड्नु हरेक राष्ट्रको कर्तव्य हो ।’
उनले शान्ति र स्थिरताका लागि आपसी सहकार्य गर्दै आतंकवादलाई परास्त गर्न आवश्यक रहेको बताएका छन् ।
