जेठ १५ गरेको जनप्रदर्शन ‘ऐतिहासिक’
काठमाडौं । राजावादीहरुले गणतन्त्र दिवसको दिन अथवा हिजो जेठ १५ गरेको जनप्रदर्शन तथा आन्दोलनलाई ‘ऐतिहासिक’बनेको ठहर गरेको छ ।
साथै, हिजो भएको शान्तिपूर्ण आन्दोलनपछि राजावादीहरु हिजोको आन्दोलनलाई लिएर विभिन्न प्रतिकृयाहरु दिइरहेका छन् । त्यसैविचमा नेकपा एमाले अध्यक्ष तथा प्रधानमन्त्री केपी ओलीको ‘काठमाडौं कब्जा गर्ने’ भनिएको अभिव्यक्तिलाई लिएर उनिहरुले उक्त अभिव्यक्तिले हावा खाएको टिप्पणी समेत गरेका छन् । राजसंस्था र हिन्दू राष्ट्र पुनःस्थापना तथा संघीयता खारेजीको एजेन्डासहित संयुक्त जनआन्दोलन समितिको संयोजना र राप्रपाको अगुवाइमा जेठ १५ गतेबाट अनिश्चितकालीन आन्दोलन सुरू गरेको हो ।
यो आन्दोलन माग पूरा नभएसम्म सडकबाट नहट्ने राजावादी घटकहरुले बताएका छन् । हिजोको आन्दोलन शान्तिपुर्ण भएसँगै आजको प्रदर्शन माइतीघर–बिजुलीबजारमा केन्द्रित गरेको छ ।