असार ६ गते प्रधानमन्त्री ओलीसँग सांसदहरूको प्रश्नोत्तर कार्यक्रम हुने

काठमाडौँ । प्रतिनिधिसभामा असार ६ गते प्रधानमन्त्री केपी शर्मा ओलीसँग सांसदहरूको प्रश्नोत्तर कार्यक्रम हुने भएको छ।

सङ्घीय संसद् सचिवालयले आज सार्वजनिक गरेको असार १४ गतेसम्मको संसद् बैठक तालिका (क्यालेन्डर) अनुसार उक्त दिन प्रधानमन्त्रीसँग प्रश्नोत्तर कार्यक्रम तोकिएको हो।

प्रतिनिधिसभामा प्रायजसो हरेक महिनाको पहिलो साता प्रधानमन्त्रीसँग प्रश्नोत्तर कार्यक्रम आयोजना गरिने गरिएकाे छ।