नागरिकताको दुरुपयोग गर्नेलाई कडा कारबाही गर्ने चेतावनी
काठमाडौँ । गृहमन्त्री नारायणकाजी श्रेष्ठले नागरिकताको दुरुपयोग गर्नेलाई कडा कारबाही गर्ने चेतावनी दिएका छन् ।
प्रतिनिधिसभाको बैठकमा आइतबार सभालाई सम्बोधन गर्ने क्रममा मन्त्री श्रेष्ठले संविधानले दिएको अधिकार अनुसार सबै नेपालीलाई नागरिकता प्रदान गर्ने र नागरिकताको दुरुपयोग गर्नेलाई कडा भन्दा कडा सजाए दिने बताएका हुन्
संविधानअनुसार नागरिकताको हक प्राप्त नेपाली नागरिकहरूलाई यथाशीघ्र नागरिकताको प्रमाणपत्र दिने, नागरिकताको हक दिने र नागरिकताको दुरुपयोग र अवमूल्यनलाई कडाइपूर्वक नियन्त्रण गर्ने सरकारको नीति रहेको उनले बताए ।
यस्तै राष्ट्रिय परिचयपत्रको अभियानात्मक वितरण र त्यसबाट हुने अन्य क्षेत्रहरूको सेवालाई समेत सहज बनाउने, लागू औषध रोकथाम गर्ने, महिला हिंसा हुन नदिने र त्यसमा संलग्न पीडकहरूमाथि कडा भन्दा कडा कारबाही गर्ने, दलितमाथिको विभेदलाई कडाइका साथ नियन्त्रण गर्ने र विभेद गर्नेलाई कडाइका साथ कारबाही गर्ने गृहमन्त्री श्रेष्ठले उल्लेख गरे ।